Хотын захиргааныхан хичнээн муу ажиллана, төдий чинээ их цалин урамшуулал нэмэгдэл илүү авдаг болжээ. Өнгөрсөн онд нийслэлийн төр захиргааны болон нийслэлийн өмчит аж ахуйн нэгжүүдэд цалин, амралтын мөнгө илүү олгох, шагнал урамшуулал, нэмэгдэл үндэслэлгүй өгөх явдал бүр хавтгайрчээ. Нийтдээ 278,9 сая төгрөгийн цалин урамшуулал, амралтын мөнгө илүү олгосныг Багануур дүүрэг 49 сая төгрөгөөр “манлайлжээ”. Араас нь 41саятай Чингэлтэй, 40 саятай Налайх дүүрэг нэхсэн. 13,5 сая төргөгийн цалин урамшуулал илүү тавьсан Сонгинохайрхан, 12,3 саятай Сүхбаатар дүүрэг дундуур оржээ. “Улаанбаатар спорт менежмент” гэх байдаг үгүй нь мэдэгдэдгүй хувьцаат компани 6,9 сая төгрөг илүү тараасан байна.  Хотын захиргааны байгууллагуудаас Нийслэлийн замын хөгжлийн газар 25,4 сая төгрөгийн цалин, үр дүнгийн урамшуулал утасны нэмэгдэл тавьжээ. Нийслэлийн хот байгуулалт хөгжлийн газар  бүр 43 саяд хүргэсэн аж. Ерөнхий менежер Д.Ганболд ажилтнууддаа 15,4 саяын урамшуулал, нэмэгдэл тараажээ. Хотын ажил шалдаа буугаад байхад тэд ийнхүү “тарвалзсаар” л байна.