ОХУ-аас 20 мянган тун Спутник вакцин Монгол Улсад хандивлахаар болсон. Уг вакциныг Ерөнхийлөгч Х.Баттулга өөрийн биеэр хүлээж авахаар тус улсыг зорих аж. 20 мянган тунгаар 10 мянган иргэнийг дархлаажуулах боломжтой. Дэлхийд 90%-аас дээш хувийн үр дүн үзүүлж байгаа 3 вакцины нэг нь "Спутник-V” юм. Тус вакцины 2 тунг тариулсан иргэд "ковид-19"-ийн халдвар авахаас 91.6 % хамгаалж чадна гэсэн үр дүн гарчээ.

Албан бус эх сурвалжийн мэдээллээр Ерөнхийлөгчийн айлчлалаар ОХУ-ын эрдэмдийн бүтээсэн коронавирусийн эсрэг “Спутник-V” вакциныг Монгол Улсад хөнгөлөлттэй үнээр, хангалттай хэмжээгээр нийлүүлэх асуудлаар ярилцаж магадгүй. 

Тусламжийн вакцины салхийг Энэтхэг улс хагалж, өнөөдөр өглөө Оксфордын АстраЗэнэка вакцины татан авалт болох 150,000 тун вакциныг МИАТ авчирсэн. Тэгвэл тун удахгүй БНХАУ-аас 300,000 тун, Худалдаа хөгжлийн банк харилцагчиддаа зориулж 200,000 тун оруулж ирэхээр төлөвлөөд байгаа билээ.