Өнгөрсөн 2020-2021 хөл хорионы сөрөг үр дүн гэр бүл цуцлалтаар илэрч байгаа гэдэг. Монголын сайхан гэр бүлүүдийн Монголын төрөөс алдаршуулдгаар "Алдарт эцэг, эх" болсон Тордайн Ганболд гэргийгээсээ салахаар шүүхдэж байгаа нь олны гайхлыг төрүүлэв. Юутай ч эхнэр Х.Гаажид нь "Хүн салах үедээ хэнтэй ханилснаа мэддэг" гэж шүүх дээр халагласан байна лээ. 10 гаруй жил амьдарч, 4  хүүхдийн аав ээж болж, хамтдаа "Корпорейт" зочид буудал, төв босгож явсан хос дэл сул юм эргүүлж хийж явах зав гараагүй биз ээ. Бага нь дөнгөж 2 ой хүрч байгаа эмэгтэйг харуул хамгаалалтын ажилтантай холбогдсон гэж гүтгэжээ. Энийг Тордайн Ганболд ч үгүйсгэжээ. Тордайн Ганболд шиг нэр нөлөөтэй, олны танил, мөнгөтэй хүмүүсийн хувийн амьдрал олны анхааралд байдаг болохоор нэлээн дуулиан дэгдээх бололтой. Олон нийтийн сүлжээнд идэвхтэй, олон ч шүтэн бишрэгчтэй жентелмен эр Тордайн Ганболд эхнэрийнхээ унаж явсан машин, 9911 дугаарыг нь хурааж авсан нь үнэн бол нэлээн гар хатуутай нөхөр бололтой.