Төрийн аудитын байгууллага УИХ-ын сонгуулийн 18, 28 дугаар тойрогт явагдах УИХ-ын гишүүний нөхөн сонгуульд нэр дэвшигчдийн мөрийн хөтөлбөр, хандивын тайланг олон нийтэд нээлттэй мэдээлэлсэн. Мөрийн хөтөлбөрүүд дундаас УИХ-ын 18-р тойрогт бие даан нэр дэвшиж буй М.Чингисхааны мөрийн хөтөлбөрийн АЛТАНГАДАС нийслэл хот байгуулах хөтөлбөр анхаарал татлаа. 

Тэрбээр, "Би биш бид" уриатайгаар нөхөн сонгуульд оролцож байгаа бөгөөд мөрийн хөтөлбөр нь "Нэг дэлхий" уриатай юм. Түүний мөрийн хөтөлбөрт "2033 он гэхэд Монголчууд эх дэлхийн үзэл санааны тооно нь болсон байна" гэж тусгасан бөгөөд Эв хайрын бодлого бүрэн хэрэгжиж АЛТАН ГАДАС хэмээх эко нийслэл хот цогцоон бүтээсэн байх аж.