Дундговь аймгийн Сайхан овоо сумын төвийн айл өрхүүдийг хог ангилан ялгах хогийн савтай болгох төсөл хэрэгжиж байгаа. Сайхан-Овоо сумын төвийн нийт 195 өрхийг эх үүсвэр дээр нь хогийг ангилан ялгуулах зорилгоор сумын Орон нутаг хөгжлийн сангийн хөрөнгөөр 31.915.300 төгрөгийн өртөг бүхийн тендерийг зарлажээ. Энэ тендерт "Арцат-Алтай" констракшн ХХК шалгарч, 29,325,000 төгрөгөөр гүйцэтгэхээр гэрээ байгуулжээ. Саяхан буюу 2021 оны 08 дугаар сарын 09-ны өдрөөс эхлэн хогийн савыг айл өрхүүдэд тарааж эхэлсэн байна. Айл өрхүүдийг хогоо зөв ангилан ялгах зааварчилгаа өгч шил лааз, цаас, хуванцар гэсэн 3 төрлийн хогийг ангилан хийх савыг авсан айлууд гайхаж, хуучирсан поошгийг будсан байна гэж шүүмжилж байна.