Энэ сарын 1-ний өдөр Монгол Улсын Хөдөлмөрийн баатар, гавьяат тамирчин Н.Түвшинбаяр Улсын начин Э.Энхбатыг согтуурсан үедээ онц хэрцгийгээр зодож, биед нь хүнд гэмтэл учруулсан хэрэг гарч олныг цочирдуулсан.
Хэрэг гарсан өдрөөс хойш 22 хоног болоход Улсын начин Э.Энхбат ухаан ороогүй байдалтай байна. Түүнийг энэ сарын 12-ний өдөр "Hunnu air" компанийн онгоцоор БНСУ руу эмчлүүлэхээр зөөвөрлөсөн билээ. БНСУ очин эмнэлгийн шаардлагатай бүхий л эмчилгээг хийлгэж байгаа ч 10 хоноход биеийн байдал хэвээр байгаа талаар эх сурвалж мэдээллээ. Түүнийг эхнэр нь сахиж байгаа юм байна.
Улсын начин Э.Энхбатын биед гэмтэл учруулсан Н.Түвшинбаяр өдгөө ШШГЕГ-ын цагдан хорих 461-р ангид саатуулагдаж байгаад корорнавирусын халдвар авч 407-р ангид эмчилгээ хийлгэж байгаа юм.
Э.Энхбатад шаардлагатай эмчилгээний зардлыг цуглуулахаар бөхчүүд хандивын аян зарлан, тусалсан. Энэ үйл явдалтай зэрэгцэн Н.Түвшинбаяр эмчилгээний бүх зардлыг хариуцан төлөх болон онгоцны зардлыг төлсөн хэмээн өмгөөлөгч нь мэдэгдэж байсан. Гэвч тухайн үед ямар ч зардал төлөөгүй байгааг эх сурвалж мэдээлж байсан билээ.
