Сураггүй алга болсон 14 настай хүүгийн цогцос олджээ

Сэлэнгэ аймгийн Баянгол сумын ‘’Бага мухар’’ гэдэг газар тус сумын харьяат К нь 4 сарын3-ны өдрийн 17:00 цагийн орчим гэрээсээ гарч сураггүй алга  болсон тухай дуудлагыг 4сарын 4-ний өдрийн 10:40 цагт Онцгой байдлын алба хэргийг хүлээн авсан байна.

Сэлэнгэ аймгийн Мандал сум дахь Онцгой байдлын хэлтэс, мөн Цагдаагийн хэлтсийн албан хаагчид тус сумын Засаг Даргын Тамгийн Газрын ажилтанууд болон ар гэрийхэн хамтран  14 настай эрэгтэй К-ийг эрэн хайх ажилагааг зохион байгуулж,өчигдөр өдрийн 12:30 цагт тус сумын Нарангийн гол гэдэг газраас цогцос нь олджээ.

Цогцосыг гэрээс нь  4 километрийн зайнаас олсон бөгөөд Цагдаагийн байгуулагад шилжүүлэн өгчээ.