Сүхбаатарын талбайд нэгэн иргэн өөр дээрээ бензин асган шатаасан хэрэг дөнгөж сая гарлаа. Тухайн иргэн "намайг хараарай" гэж хэлээд өөр дээрээ бензин асгаж нас баржээ.
Энэ үед ойрхон явсан иргэд галыг унтраасан боловч эмнэлгийн тусламж авч чадалгүй нас баржээ. Талийгаач Э нь 1987 онд төрсөн 34 настай Чингэлтэй дүүргийн 16 дугаар хороонд оршин суух хаягтай бөгөөд өөр дээрээ цагаан өнгийн савтай шингэн зүйлийг асган өөрийгөө шатаасан байна. Иргэн Э нь Төрийн ордны баруун талаас буюу хойноос урагш чиглэлтэй явганаар алхаж Сүхбаатарын талбайн баруун хэсэг рүү орж 6-8 орчим алхамын дараа шингэн зүйлээ өөр дээрээ асган өөрийгөө шатааж амиа егүүтгэсэн байна. 12:30 цагт Митцибуши голд палас гэсэн цагаан саарал өнгийн автомашинаас Хувьсгалчдын музейн урд гэрэл дохио дээр буужээ. Талийгаач сэтгэцийн өвчингүй бөгөөд аав, дүүгийн хамт амьдардаг, эрхэлсэн тодорхой ажилгүй, 2006 онд ял эдэлж байсан байна. Тэрээр 2007 оны 5-7 дугаар сарыг хүртэл хугацаанд Сэлэнгэ аймгийн Хилийн цэргийн 0101 дүгээр ангиас нийгмийн даатгал нь төлөгдөж явжээ.
