Хэрвээ энэ хэргийг монгол хүмүүс хийсэн бол төдийлэн гайхахгүйсэн. Гэтэл ёс заншил шажин шүтлэгдээ үнэнч, өвөг дээдэс тэдний булшинд машид хүндэтгэлтэй хандан тойруулаад бунхан хүртэл босгодог мусульман шажинт казак хүмүүс өөрсдөө хийж шажин нэгтнүүдийнхээ шарилыг зөөх ажлаас том мөнгө хийгээд баригджээ. Энэ хэрэгт Эрдэнэбүрэнгийн УЦС-ын төслийн нэгжийн тээвэр импорт хариуцсан менежер Ш.Арстан, Баян-Өлгий аймгийн “Кенжедара трейд” компанийн захирал Х.Ханат нар холбогдож, төслийн 600 сая төгрөгөөс менежер 220 сая, харин захирал 30 саяыг “халаасалсан” байна. Хэрэг явдал Баян-Өлгий аймгийн Баяннуур сумын нутаг дахь УЦС-ын нуур үүсэх талбайд нь казак иргэдийн он удсан оршуулгын газар байснаас эхэлжээ. Ингээд уг булш бунханыг нүүлгэхээр болж эхлээд нээлттэй тендер зарласан ч оролцох компани гараагүй гэнэ. Буяны цөөнгүй компанитай холбогдоход “казак хүмүүсийн булштай орооцолдохгүй” гэжээ. Дээр нь Баян-Өлгий аймгийн ЗДТГ-аас заавал мусульман шашны зан үйл, ёс журмын дагуу нүүлгэх албан шаардлага ирсэн. Ингээд тендерээ болиод шууд гэрээ байгуулахаар болсон аж. 2024 оны 10-р сард Эрдэнэбүрэнгийн УЦС-ын төслийн зохицуулагч Ч.Саранжавын тушаал гарч 600 саяын төсөв батлагдан ажлын хэсэг байгуулагдахад Ш.Арстан орсон. Тэрээр ажлын хэсгийн хурал дээр “казак хүмүүсийн шарилд зөвхөн казак хүн л мусульман шашныхаа зан үйлийн дагуу гар хүрэх ёстой” гээд “Кенжедара трейд” компанийг гаргаж иржээ. Компанийн захирал ийн мэдүүлжээ.
Ш.Арстаны хүү нь ирж мөнгийг авсан гэнэ. Хэрэг нь илэрэхэд менежер авсан 220 сая төгрөгөө буцааж төлжээ.
Шүүх Ш.Арстанд нийтийн албанд ажиллах эрхийг найман жилээр хасаж, нэг жилээр хорих ял оноожээ. Харин “Кенжэдара трейд” компанийн захирал Х.Ханат энэ хэрэгт гэрчээр татагдаж менежерийн мөнгө авсаныг баталсан тул ял өгөөгүй байна. Үүнээс үзэхэд мөнгө хийсэн менежер захирал хоёрыг үнэнч мусульман шажинтан гэхэд хэцүү аж.
